يومها الاول بالجلباب

يومي الأول بال(جلباب)!!!

قرار طلع على حين غرة زي ما بيقولو،،بدي ألبس جلباب،طبعا ما كان الموضوع بهاي الأهمية لكتير ناس بس كان مهم بالنسبة الي كتير لأسباب كتيرة:

1-طبعا روحة الجامعة هاي موضوع كبير بالنسبة لكتير بنات،،وانا صرت بالجامعة وشو بدي البس وكيف بدي اروح اليوم ومن هل قصص،وكتار بيعتبرو انو الجلباب اشي أهبل لانو ما بيبين الشياكة الفظيعة اللي لازم تكون فيها بنت الجامعة>>آمنت بهاي الفكرة بفترة من الفترات ههه

2-سبحان الله ،الله لما بدو يهدي بيهدي بيوم وليلة،كتير كنت متدايقة من طريقة لبسي وطلعتي ونزلتي بالجينز وخلافو،أنا كنت أحب هاي الطريقة باللبس وطبعا حاليا بحبها بس صرت أخجل من حالي كتير بالجامعة،بحس انو كل العالم بس بيتطلعوعلي أنا>>يمكن لأني طويلة،أو أطول واحدة بالشلة(هههه)

3-كنت خايفة من قبل انو صاحباتي ما يتقبلو الموضوع،لانهم على راي العاالم اللي بيشوفونا>>كتير ستايلش،بس لقيت تشجيع كتير من كتار لما طرحت الفكرة

4-السترة حلوة يا جماعة ههههه

طبعا لسا فايتة من باب الجامعة لقيت صاحبتي،مشيت وما سألتني كيف حالك،يا بنت وين رحتي،،ييييي ما احلاااكي(كان اول رد فعل بيجنن)

لما فتت الكلية شفت كام بنت عل درج وطبعا انا (مبتسمة) وما تقدرش تتخيل ردات الفعل الفظيعة اللي شفتها،بس افظع اشي كان نور ههه قالتلي بتجنييييي،ومريم باستني(يا جماعة شو هالاحراج هاداا)وفيه بنت تالتة ما بعرفها حضتنيني(تأثراً بالموقف ههههه) كتير كتير انبسطت

لما طلعت فوق ولقيت الشلة المصونة وطبعا كلهم بصوت واحد(سلوووووووم)الله يفضح اليهووود فضحوني بالجامعة،وبتجنني وكتير حلو بس الصدمة كانت(مش ملاحظة انو بدو تدييق) ههه يخرب بيتك يللي ببالي

التعليقات السلبية كانت كتيرة:

1-مش ملاقية انو بدري انك تلبسي جلباب(كيف يعني بدري!!يعني البسو بعد المغرب وما البسو الصبح مثلا!!!)

2-يييي صايرة حمساوية يا بنت(ليش هما بنات حماس بس بيلبسو جلبابات وباقي الشعب مغضوب على أمرو!!)

3-يومين والتاني ورح تشلحيه انا عارفاكي(شكلك مش عارفة حالك يختي)

4-ولما قلت لبنت عقبالك قالتلي(لاا شو عقبالي قال جلباب قاال)مع انها لسا قايلالي انو حلو عليا!!!

بقول لكل اللي علق تعليق سلبي أو ايجابي شكرا ،،الله يهدي الجميع،انا مبسوطة بحالي وبس وما بيهمني رأي حدا

طبعا انا مبسوطة بحالي صحيح انا واجهت صعوبات كتيرة بالمشي بس تعودت بسرعة عل وضع(يا واد يا متأقلم انتاا)،كنت رح أوقع اكتر من مرة بس الحمد لله مشي الحال ومسكوني هههه،،،

هلأ انا شايفة حالي أحلى صراحة وما بدي أغير هادا اللبس لانو عاجبني كتير والله يهدي الجمييع،،قولو آآآمين