حملة قلعى ابنك البامبرز قبل الشتا

السلام عليكم ورحمة الله وبركاته

ايون بالضبط زى العنوان ما بيقول هنقلع قرودنا البامبرز بس مش بالضرب ومش بالعنف
بالحب ،والحنان،واللعب،والبونبونى،والحلويات ،والشيكولاتات.........وطبعا بالصبر ومش اى صبر (صبر ايوووووووب)
المجموعات هى:
مجموعة 1:
الاطفال تحت السنتين (ودول هيبدأو بالبوتى)
ودى بعض صورها ...............ودى حلو اوى وبيتحطلها اكياس استخدام المرة الواحدة وعمليه اوى عن البوتى التقليدية من حيث طريقة التنضيف .

وفى فترة استخدام البوتى دى لازم تبقى حطها فى مكان جلوس الاسرة و ممكن تأعدى أدام اعلانات او كارتون اى حاجة تشغلوا لانه هيبقى خايف يعد عليها وممكن تجبيلوا لعب او تعدى تاكليه حاجة بيحبها وخليها دايما أدامه علشان يجبها او حتى يشاور عليها.

مجموعة 2:
الاطفال فوق السنتين(ودول هيستخدموا أعدة الحمام للبيبى على طول لانهم بيفهموا كويس ولازم يتعودوا ان البيبى مكانه الحمام فقط مش فى الانتريه ولا اى مكان فى الشقة)

ودى شكلها ..........ودى مش بتزيد عن 20 ج انا جايبة واحدة ب 12ج من غير ايد
بس للاسف طلعت صغيرة على الحمام ومرة نزلت جوه فدى افضل علشان اليد هتنمنع الانزلاق
وخلوا بالكوا دى متبطنة فى واحدة مش متبطنة وحشةةةةةةةة وبتعلم فى رجل الطفل ويكره البى بى خالص

ودى ان شاء لله فى سن اكبر شويتين لما يبقوا بيدخلوا الحمام لوحدهم خالص وبيعرفوا يقلعوا ويطلعوا السلمة دى
ولو عايزة تجيبى دى مرة واحدة وتخلصى يبقى افضل بس انتى اللى هتأعدى برده وللاسف ما اعرفش سعرها

باقى الخطة:

4- عايزه مجموعة 1 تحملوا الصور دى على الجهاز عندكوا....
.


و مجموعة 2 تحملوا الصورة دى ....
ويا ريت تبقى خلفية الديسك توب على طول

وكل يوم وكل شوية وانتى أعدة على الكمبيوتر تفتحى الصور وتوريها لابنك وتعدى بقى بقى تقوليلوا شوفت النونو بيعمل بى بى فين فى البوتى علشان هو شاطر و مؤدب و مامته هتجبلوا كذا وكذا (الحاجة اللى بتغريه)
هو قال لمما بوتى يا ماما ومعملش فى البامبرز ،وصدقينى هيفهم ويحب صور البيبى اوى وانتى وشطارتك فى جذبه للصور والشرح عليها.

ومهم جدا انك كل ما تدخلى الحمام تخدى ابنك معاكى وتخليه يقف جنبك ويشوف ماما الشاطرة بتعمل بى بى فى البوتى
علشان ماما كبيرة وماما حلوة وماما مؤدبة

انا بنتى بتعد تصقفلى وتقولى شاطرة ماماااااااااااااااا
وكمان لما تبقى داخلة الحمام روحى لابنك او بنتك وقوليلوا الحقنى بسرعة انا عايزة اعمل بوتى بوتى بوتى ىىىىىىى ودينى عند البوتى بسرعة هتلاقيه هو بقى خايف عليكى ويمسك ايدك ويوديكى بسرعة


اللينكات اهى فيها معلومات مهمة اووووووووووووى:
واحب اشكر كل العضوات اللى تعبوا وقدموا تجاربهم فى الموضوعات دى وادعيلهم "ربنا يجازيهم خيرا عننا"

الحمد لله بنتى تخلصت من البامبرز ادخوا شوفوا ازاى



نصائح لخلع البامبرز



خلع البامبرز كلام علمى


انا الحمد الله قدرت انى اقلع البامبرز لابنى


مرحله ما قبل التعود على البوتى


تعالى اقولك ازاى تعلمى بنتك (ابنك) يسيب البامبرز (من تجربتى)

(((يا ريت يا جماعة نحط صورة الحملة اللى فى اول الصفحة فى توقيعنا علشان نجمع اكبر عدد من الامهات)))
والفيديوهات دى بقى هدية من "ام نغم "لكل ام شاطرة هتشترك معانا
يا ريت تشغليها لابنك كتير وتكلمى والفيديو شغال
وتشرحيلو وترقصوا كمان وتصفقوا